أشعار و قصائد عن القهوة

• ليا بانت النجمـة بكفـي تناوشـت
• ادلال بيـض و المقاضـب براغيـل
  انا وما حاشت يدينـي ومـا نشـت
• بالبن و المسمار و الجوز و الهيـل
• دريت لو عاشن هذ ي الايام ما عشت
• لا بـد مـن قبـر عليـه المخاييـل

ومنهم من يقول

• الله على الفنجـال حـزة محلـه
• الى صار مقصوره وماء دلته سيل
• وقودهـا سـدر ولا هـو بجلـه
• الزعفران ابهارها و خالطه هيـل

تقديم القهوة

• لقد درجت العادة على أن تقدم القهوة
  أولا : إلى الضيوف و الزوار مهما كان
  الأمر تقديرا و تكريما لضيافتكم .ثانيا :
  لكبار السن و الأمراء وما شابه ذلك .
  ثالثا : من يجلس عن اليمين امن يقوم
  بإعداد القهوة
  .وبالإضافة لما تقدم ذكره إذ انه هناك
  رأى للشعراء حول أفضلية تقديم القهوة ويتمثل هذا الراى بقوله احد الشعرا ء
• صبه على اللي وان لفينا علـى ركـاب
• بإطراف بيته مثـل جـزر القصاصيـب
• واثنه على اللي وان غشا الزمل ضبضاب
• يفـدي بروحـه دون زمـل الرعابيـب

وراي اخر

كان هناك ثلاثة ابناء عمومة , احدهما كريم
و الثاني فارس و الثالث عقيد قومه ,
فتواجدوا في مجلس واحد لا رابع معهم
و عندما جهزت القهوه قام صانعها لصبها للحاضرين .
فاحتار لمن يقدمها اولا فصب الفنجال
ووقف متحريا اشاره احد الثلاثة بايهما يبدا .
فلم يتكلم أي واحد منهم باي كلمة او اشارة
, فصب الفنجال بالدلة واعادها الى مكانها وجلس
, ومرة اخرى قام فصب الفنجال ووقف
متحريا أي اشاره او تنبيه من الحضور بايهم يبدا
, وايضا لم يتلقى أي كلام او اشاره او تنبيه فارجع الدلة الى مكانها و جلس .
ثم قام فى المرة الثالثة فصب الفنجال ووقف ينظر اليهم بايهما يبدا فاشار اليه العقيد( عقيد قومه )
فقال هذه الابيات :-

• يا مسوي الفنجال حوفه وذوقـه
• خص الرجال وبد ناس على ناس
• صبه على اللي وافي ٍ في حقوقه
• يملا الصحن ويطمن النفس للناس
• وسقها على اللي تلاعـج بروقـه
• فكاك ربعه يوم الاريـاق يبـاس
• وسقها على اللي كل عد ٍ يذوقـه
• تلقى اخباره مثل عطات الامراس

فقام صباب القهوة فصب القهوة على الاول
( الكريم ) , ثم ساق الفنجال على الثاني
( الفارس ) ثم ساق الفجال على الثالث
( عقيد القوم ) .
ومن هذا المفهوم فان الشعراء يرون أن تقديم
القهوة للكريم ثم الفارس وهذا الراى له مكانة خاصة
بالمجتمع ولكنه باعتقادي لا ينطبق على حق
الضيف الذي خصه الله تعالى بالإكرام وأوصى به النبي الكريم ( ص ) .
كما لا يفوتنا أن لطريقة إعداد القهوة طرق
عدة وأنظمة وأصول تلقي كل عناية ورعاية منها جعل الدلة نظيفة بصورة دائمة واختيار الماء العذب
الصافي أثناء إعداد القهوة واختيار البن الثمين
و الحفاظ على حب البن عند الإعداد
من إحراقه أو جعله قليل الاستواء
مع تحلية البن بالبهارات المناسبة و أجودها الهيل
كما أن هناك بعض العادات لبعض المناطق
التي تختلف بعض الشيء بطريقة إعداد القهوة دون الإخلال بالجوهر

ولكم اجمل ما قيل في القهوة العربية

الشاعر الأمير / زيد الخوير الحميضي الناصري التميمي … رحمه الله

• قال الذي يبدع علـى كـل قافـي
• من ضامرٍ ياتـن رْيـامٍ مواليـف
• بمنومسة لقم على بكـر صافـي
• عليه من شغل ابن سكران توليف
• خلّه ليا ماتونـس النـذل غافـي
• وقرب دلالٍ مثـل بـطٍّ مهاديـف
• بدلال ماعنهن سنا النـار طافـي
• بوجار من لادونهن بابهم جيـف
• مبرهجٍ تسفـي عليـه السوافـي
• من خلْقته ماطق في ركزة السيف
• واحمس ولقّم بالعجـل يالسنافـي
• شاميةٍ طرّف لها الجمر تطريـف
• حماسها قرمٍ من الغـوش شافـي
• دايم يقلبها حريصٍ علـى الكيـف
• وزلَّه وصَفَّه عن سريب المصافي
• من خوفة أحدٍ قال بالكيف ياحيف
• كِنَّه ليا منـه غشاهـا الرّعافـي
• نثر الذّهب من فوق لوح المشانيف
• وبهارها من يمّـة الهنـد لافـي
• في مركبٍ يقداه زجر العواصيـف
• وان كان تزمل من طيورٍ هوافـي
• بيضٍ فسدّ أفواهها باشقر الليـف
• فنجالهـا لاشـف بيـن الأشافـي
• لاكن يجذب من شفا شاربه شيف
• يبرالها من بيـن فِـجّ الخوافـي
• بكايرٍ تِرْمَـهْ سهيـلٍ ليـا شيـف
• صبه لمن يثني خـلاف المقافـي
• يوم الفرنج يقذِّف الملـح تقذيـف
  ونفَّل بها اللـي للمـروات وافـي
• مادوَّر التَّجْرات بـه والمصاريـف
• اللي لياغليـت شراهـا جزافـي
• مارطّله عنـد الدلاليـل بنصيـف
• ياسامـعٍ منـي علـومٍ تشافـي
• خذها من اللي نافلٍ كـل عرِّيـف
• دنياك لو ضحكت تراهـا بخافـي
• يبرم دواليـب الشِّقـا والتكاليـف
• إنهب منه من قبل ماالعمر يافـي
• صيٌّور ماتقفي ركابـك مواجيـف
• صيُّـور عمـرك ناهـجٍ للذلافـي
• سمر الليالـي تكملـه بالتتاليـف
• صيُّور مايمسي لظى الجمر طافي
• دنيا تفـرق كـل ربـعٍ مواليـف
• وليا حصل عزٍّ مع الكيـف كافـي
  ماني على الدنيا كثير التحاسيـف

الشاعر / فديغم بن خنيفر بن سبيل الرشيدي رحمه الله
من قصيدة طويلة – منها فى وصف القهوة

• البارحه جاني عن النوم هوجـاس
• جتني هواجيس ٍ على كـل نوعـي
• ياعلي قـرب دلتيـن ٍ ومحمـاس
• خلك ليا ارسلتك هميـم ٍ وطوعـي
• نبي ليـا منـه رقـد كـل نعـاس
• سهاجه الواجـب عيـال التبوعـى
• سويت فنجال يداوى خوى الـراس
• بدلال يشـدن البطـوط الوقوعـى
• والله يالولا بـن زينـات الأجنـاس
• اردع بهن هم ٍ لجا فـى ضلوعـى
• لقنب قنيب اللى عوى عقب الأدماس
• غير الضما ياعلى حاديـه جوعـى
• من لا فزع يـوم الأريـاق يبـاس
• يوم السعة محـد ٍ يبيلـه فزوعـى

الشاعر/ محمد بن مديبغ التميمي راعي المستجدة رحمه الله

• يادلتي لايجزعـك واهـج النـار
• ماجبتـك إلا باغـي ٍ تحْضنينـه
• أبي ليا جونا مشاكيـل وخيـار
• اقلّطك والـرزق ربـي ضمينـه
• ياعنك ماغظلم حجاجي عن الجار
• ولايوم ماعنا تقـازى الظّغينـه
• حمد بن ناحي المطيري
• يازين شبة نارها العصر ياخليف
• لا مالـت الفيـه وزان البـرادي
• كسرت فنجال على غاية الكيـف
• لاعج ريحه مثل ريـح الزبـادي
  جونا مسايير يبـون العجاريـف
• ليا أوحو دنين النجر مثل المنادي
• جابوا سوالف طيبين المحاريـف
• اللي عليهم يقهـرون الطـرادي

الشاعر/ زيد الخشيم رحمه الله

• لاضاق صدري قمت اسوي من الكيف
• فنجـال بـن مايغـبـب سريـبـه
• بكر ٍ على بكر ٍعذي ٍ عـن العيـف
• يطرى علي ان نام خطـو الزريبـه
• وانٍ مصبه كن لونـه الـى شيـف
• سلك الحريـر الـى تمهـل صبيبـه
• صبه لممـرور ٍ براسـه زعانيـف
• اللي إليـا شبـت يصالـي لهيبـه
• ويثنى عن الرّبع المقفيـن بالسيـف
• لاحـل فـي تـال التفافيـق ديبـه
• وفينا محازمنـا اسـوات الكرانيـف
• ومعنـا خطـاة املظـب لاح شيبـه
• لعيون غيـدٍ شرّكـت تنثـر الليـف
• اللـي شكـا وارد قناهـا عسيـبـه
• بشرقي قفار ٍ كنها مزنـة الصيـف
• شرقٍ ٍ عن البطحا بجـازع شعيبـه
• اللـي نماهـا للمساييـر والضيـف
• يوم ان ولد النـذل حـارب قريبـه
• صرنـا لعـدلات المناظـر كلاليـف
• ننجش لهم ملح الشفـا كـل عيبـه

الشاعر صعيليك يمتدح ناصر بن لحيدان الحمراني الناصري التميمي الكريم المشهور

• حرام مايرخص بصنعاء بضاعه
  وابن لحيدان على جاهـد القـاع
  مانفدت يمناه من البـن ساعـه
• يطبخ شهر للزوم صكاك الاصباع
• ليا من عيلات الاجاويد ضاعـه
• يفدع لو إن المجيدي على صاع
•  
• الشاعر / الشيخ سلمان البلوي