يا خوخ ذايب في منقا !!
قصيدة جميلة لأخي الشاعر :
عبدالعزيز بن حمد بن إبراهيم القاضي
وكتبت ردي بعدها وأحببت أن أضعها بين يديكم:
يقول الشاعر:
عبدالعزيز القاضي في قصيدته
التي يعاتب فيها محبوبته بأسلوب فكاهي وبلهجة بسيطة محببة :
يا خوخٍ ذايب فـي منقـا …….. يامـوز بنكهـة تفـاح
إنتا كلك على بعضك لـك شكـل وطعـم الكوكتيـل
يا قشطه يمهلّبيّـه …… فيهـا عسـل مـاذي سـاح
مرشوشه بمكسّر فستـق .. مـن حلـوى أبو نبيـل
ياحلقوم تركـي طـازه ……… بغبـار السكَّـر مرتـاح
يا شيكٍ مفتوح باسمـي جاهـز مـا يقبـل تحويـل
يا وردٍ جـوري هولنـدي يِقطـف لعيـون السيـاح
يا عطر امركّـز فرنسـي مـن جفنشـي أو شانيـل
ياهيبة مرسدس ألمانـي مضمـون علـى المفتـاح
من موديل 2010 فـل أوبشـن بـوه رؤيـة ليـل
يا دهن العود الكمبـودي يـا ياقـوتٍ فـي مسبـاح
يا نغمه من عـود عراقـي تِعـزف بأوتـار الثقيـل
يا موّال حجـازي محـزن .. جـرّه طـلال المـداح
يـا قصيـدة حـب دامـي إلقـا عدنـان الدخـيـل
يا أطعم من طعـم الكـاري مـع رزّ عنبـر فـواح
ايقدّم فـي مطعـم هنـدي بزيـورخ وإلا فـي لِيـل
يا نسمة صيفٍ تنعشني سلْمَـتْ مـن نـار الريـاح
يا غيمة بيضا رويانة .. تبرق .. ترعد .. تمطر سيل
يا صوت القمري لا غـرّد وإلا الحمـام إلـى نـاح
يا ريح الجنة يا روحي مـن دون أسبـاب وتعليـل
حطّمت اليورو واليـن .. والـدلار بسعـرك طـاح
والمؤشر فـي منهاتـن بأسبابـك دحـدر بالحيـل
عتابـك لمـا يجينـي ويخـدّر قلبـي يـا صــاح
أحلى من شراب الفمتـو يـروي محـروق الغليـل
وأحلى من زقيط البرحـي لا جـا مـن يـدّ الفـلاح
وأكيَف من شاهي سيلاني .. وأعطر من خنين الهيل
وأحلى من ذكرى مضت لي بيـن الجامـع والمـلاح
يوم أيامي كله حلـوة .. مـا بـه حـزن وغرابيـل
من عقبك يا كـل أفراحـي داهمنـي جـو الأتـراح
أمسي وأصبح وأصبح وأمسـي بتهاويـل وتهاويـل
أنتي ظنّيتـي وظنونـك مـا بـه خيـر ولا صـلاح
حساب الماضي وشلك بوه .. شُبٍّي للحاضـر قنديـل
هدّمتي جسر المحبة .. وأطفيتـي نـور المصبـاح
ياالله تفرج لي من عندك .. قبل يقفي نجـم سهيـل
فقمت بالرد عليها بهذه الأبيات المتواضعة
يا اخي شغلك هذا عجبه من قرأ احروفه إرتاح
شعرك هذا طرقه يطرب بقوة ما هو قليــــل
استخدمت اسما الفواكه والعسل لا منه ساح
صار منه ريقي يجمجم خلت سـ..بولييسيـــل
جمعت اشكال المآكل والمشارب والفلاَّح
لا منه خرف زقيطٍ من نخل الوادي بزبيــــــــــل
ثم انك جبت الهولندي ورد حسين فــــــــــواح
وانواع العطور السنعه ماركات ما له مثيـــــل
والسيارات الجديده المانية له ترتـــــــــــــــــــــاح
واخترت افضل موديلاته غالي من وزن ثقيــــل
وما خليت العود الازرق أو أحجار بالمسباح
أو أنغام عراقية كوبليهات وتعزف حيــــــل
والحلقوم وما نسيته ابيض واحمر ريحه فــــاح
أو شيك ٍمفتوح باسمك ..حطه باسمي يالعقيــــل
ها لقصيده ذي غريبه من تصنيفـــــك به أرواح
فنانٍ والله يا اخيي ، ما نلقى مثلك مثيـــــــــــــــل
و مهما كثرت وصوفي باللي قلته ما أرتاح
لكنِّي قصدي أشارك بأبياتي لو هي قليــــل
وأخيرا رد علي اخي الشاعر:
عبدالعزيز القاضي بهالبيت الفريد :
يا بو حاتم شغلك وافي بلبل بالمجلس صداح
يا ابن قاضي جاك الشاعر حمد عبدالله العقيل
من الارشيف
حمد بن عبدالله العقيل
12/11/1431هـ
ـ
أرجو أن تكونوا استمتعتم بها
تقبلوا تحياتي : ابو حاتم
