راحة احساسي
الإهداء لكل موقف رمادي غامض
من وين جابك لي الله يالقريب البعيد
ياجعلني ما خلا من حبك ولا آعدم
أنا اللي كنت احسب أن الحظ دايم زهيد
ولاني بذايقٍ غير التعب والندم
مافادني زين وجهي فالزمان العنيد
أحاول ابني السعاده والحظوظ تهدم
ماقد شغفني هوى وشعور قلبي وليد
تحت عيوني تمر العالم بدون اسم
الا انت وأبلك مربع ٍفي عيون القصيد
كنك على راحة احساسي تؤدي القسم
ما ودي القلب يغرق والمشاعر تحيد
للحيني الخايفه من شيءٍ أقسى وأهم
صارحني بكل حاجة بالكلام المفيد
ما ودي اطير ثم تغرس بظهري سهم
مرتاحة لك وقلبي معك أحسه جديد
واحس باليوم صرت املك لي شئ ٍ مهم
طلبتني اضعف وضعفي قوي ٍشديد
وضعفت لأني شعرت إنك كبير وشهم
