الحب سيفً في يميني اشيله
أقطع معه بيد الصحاري بالاحمال
اركي لياجات الحمول الثقيله
وأعيش عمري في الهوي كني رحّال
اعن لحروف القصيد الجزيله
يطربني لحن اللي تغنى على اللال
الكلمه اللي مثل ظل الخميله
تهيض اشجاني على كل الاحوال
أهيم في وصف العنود الجميله
واسطر حروفً بها يضرب امثال
أحن لاشفت المهار الاصيله
وهي تلاعب وسط روضًات وجبال
لاشفتها تروي العطش من مسيله
واللي تشابهها على الساق خلخال
وهي تهيجن من قصيد الجليله
وشفت المزن يهمي على الارض همال
يهيم قلبي والوفا احتمي له
ويتيه معها العقل وازيد غربال
ماكل رجّالً مشى المستحيله
وماكل رجالً يعدوه رجال
راعي المحبه لو حياته عليله
يدعس على خشم الشدايد والاهوال
في ذمتي ان المحبه جميله
واللي انحرم منها مهو طيب الفال
